يوميات شباب بايظ

من طرف **M.T.M** الإثنين أغسطس 31, 2009 8:22 am

السلام عليكم ورحمه الله وبركاته
...

جبتلكم موضوع عن الشباب بس طبعا دول قلة قليلة عشان نبقى حيادين اتمنى يعجبكم

سنة دراسية 8 شهور

طوووووول السنة بطيخ

اخر شهر بس هو اللى مذاكرة

و خش ع الامتحانات

و يوم الامتحان يهان المرء او يهان

ييجى الصيف

الأجازة

الحرية

الفراغ

النوم طول النهار و السهر طول الليل

العربدة

و العربدة تحلى مع الشلة

العواطلية

***
بررررم بررررررم
برررررررم بررررررررررم

- الوووو .. مين

- انت صحيت يا حيوان

- عايز ايه يا سى زفت ؟ بتصحينى ليه ؟

- صحى الموت ياخويا .. قوم يا عم الجثة الساعة داخلة على 4

- ايه ؟؟ 4 الفجر ؟؟

- لا طبعا العصر هو احنا بنصحى قبل كده يا خفيف

- 4 العصر و بتصحينى يا جزمة و من غير رباط .. اقفل بدل ما اصب عليك اللعنات و سيبنى انام

- بس اسمع بس يا بوز الإخص انت .. دانا محضرلك بروجرااااام للخروج انهاردة .. انما ايه .. مايخرش المية ..

- مايخرش المية ؟ قول يا عم الطشط

- شوف يا سيدى .. اولا هنطلع على حتة كافيه فى المعادى لسه فاتح جديد
انما ايه جامد طحن فحت رزع ضرب

هو المينيمام 55 جندى ( 55 جنيه يعنى ) معلش انا عارف انه غالى شوية بس اييييييه مش هتصدق عندهم شيشة بجميع انواع الفاكهة الصيفية و الشتوية و الربيعية و الخريفية و الدقهلية وشك فى الحيط و قفاك ليا

- ايوة بس ده مبلغ و قدره .. هنجيبه منين يا سبع البرومبة

- متخاااافش عااااااااامل حسابى .. مانا هاكلم الواد تامر الفنجرى بق ابن الغنية ده اللى خرج معانا المرة الفاتت
و نبرشط عالواد .. مش بقولك بروجورام مايخرش المية .. نياااااااهاهاهاها .. نياااااااااهاهاها

- خلاص يا عم العفريت خرمتلى ودنى بالضحكة الحمارى بتاعتك دى
طب و مين تانى هييجى

- استنى بس اكملك البروجوورام .. هنطلع م الكافيه ع الساعة 12 كده

- هنطلع طبعا مش شايفين قدامنا و الدخان طالع من وداننا

- ماتخاااااافش عااااامل حسابى .. انا بقى عارف الجو ده طالبة معاه ايه .. أحدث فيلم لحظات أنوثة

فيلم هااااااااايل هندخله حفلة ميدنايط ..

- طب و الاكل يا عم البروجراامر

- متخااااااافش والله عاااااااامل حسابى .. هنطلع من الفيلم جاعنين طبعا .. يبقى لاااازم ناكل ندب سندوتشين عبط على سلطة هبل
مش بقولك عامل حسابى ... نياااااااااااااااااااااااااها..

- خلاص خلاص طب و بعد ما ناكل هنعمل ايه يا فكيك ؟

- عيب يا شقيق عيب يا مان عيب يا كوتش عيب يا كوبلن .. و دى تفوتنى بردو

هنعمل الحاجة اللى لا تخلو منها اى خروجة شبابية تكون تماموووز .. هنطلع على أى موووول نتلطع قدام البوابة نعاكس فى مخاليق ربنا
و يمكن ربنا يكرمنا و نختم اليوم اللظيظ ده بخناقة

- طيب كلم باقيت الاوغاد بقى و قلهم يبقوا يجيبوا بطايقهم معاهم عشان احتمال نبات فى القسم الليلة دى

- اكلم مين ياض انت.. العيال مترصصة ع القهوة مستنين اما اصحيك ياللا قوم يا مدهول

- طب بقولك ايه .. عايز اسالك على حاجة من اول المكالمة

هو مين معايا ؟

- ايه الخفة دى ؟احنا هنهظر ولا ايه ؟ انا عمك و تاج راسك ياض

- عمى ايه انا ابويا مالوش اخوات ولاد ..

- انت هتقوم ولا اجيلك البيت اقرفك فى عيشتك ؟

- لا لا متجيش انت عارف ان امى مش بتطيق تسمع سيرتك

- مانا عارف , ماهو امى انا كمان مباتطقش تسمع سيرتى ..

المهم خلص بقى و انجز

سلالم

و كل يوم على كده لحد ما الاجازة تخلص

و الدراسة تدخل .. و البطيخ يشتغل
ههههههه